AnThropical

27/05/2019

Era Nobo di Rasonamento / E Era di Re-Coleccion.

Bo persona ta cordialmente invita pa un anochi di lectura y presentashon di e proyecto Anthropical. Un obra crea pa e artista contemporaneo Alydia Wever representando Aruba na e di 13 Bienal di Havana, Cuba. Pa cu e projecto multidisciplinario aki Alydia a escoge tres artista visual Kevin Schuit, Glenda Heyliger y Ryan Oduber y tres bailado Eva Croes, Kevin Gumbs y Orwin Gomes. E trahe nan a ser diseña pa un diseñadora Hulandes Doriene van der Wijst.

E presentacion y exposicion ta representa e relacion entre Aruba, Reino Hulandes y Europa. Atraves di cuatro instalacion di arte y un proyeccion di video arte. Cada artista ta refleja atraves di su obra su propio recuerdo di su repertorio cultural. E obhetivo ta consisti di explora su raisnan cultural y reconecta cu e spirito Caribense. E presentacion y video di e projecto Anthropical lo worde presenta dor di artista Ryan Oduber.

Tema di lecturanan:

– “Mitonan Colonial y (de)formacion di Identidad Caribense.” dor di dr. Luc Alofs.
– “Herencia immaterial y e Museo Bibo – Rancho” dor di Clifford Rosa.
– “Bienal di Arte y su impacto pa un pais y e artista” dor di Ana Maria Hernandez.

Dia Diarason 29 di Mei. Lugar “Fruteria” na Museo Arqueologico Aruba Schelpstraat 42, Oranjestad, Aruba. Orario. 7:30 PM

Scroll To Top

Newsletter