Aruba Maker Expo
01/07/2019
Diadomingo awor, dia 7 di juli 2019 for di 11or di mainta te cu 8or di anochi lo tin e evento Aruba Maker Expo na biblioteca na Playa. Esaki ta un evento gratis di fin di aña escolar 2018-2019 pa mucha, hoben y adulto pa celebra un aña cu Mo-B Lab hunto cu mas di 40 ‘makers’ y nan proyectonan di arte, sciencia y tecnologia.
E Maker expo ta un celebracion di un dinamica di innovacion y experimentacion na Aruba. Durante e aña escolar Mo-B lab, e bus di innovacion di Gobierno di Aruba, cu apoyo di OCTA di Union Europeo a bishita 16 scol, introduciendo mas cu 1000 studiante promoviendo tecnologia y innovacion na mucha y hoben rond di Aruba.
Durante e maker expo lo tin mas di 30 participante, cu expo, workshop y varios actividad. E expo ta inclui: EPB San Nicolas: aeroponics, Maria: solar buggy, EPI: various projecto di project techniek, Citizen Science di Metabolic foundation, boto miniatura di Rancho, Aruba Drone Racing, Winston cu sinus y cosinus riba Scratch, ISA Maker Space & Makerpedia, Chocolate 3D printer di Divi Resort, Frolijk 3D, Milo Croes 3D printing, O4IA CNC furniture, archeo cu 3D scans, Scubble bubbles, Design di Flie, Hour of Code, Futura, B||Lab, Atech, Mo-B lab, Robotics Club, Tiny Libraries cu Mondiero, Lego cu Gerlitza, Foraging cu Taki, Electric Vehicles di Andre Loonstra, Plastic Recycling cu Plastic Beach Party, Velvet y Irvin Aguilar lo , Jess Wolff.
Lo tin workshops pa siña traha flie, pa code cu Hour of code, introduccion na electro cu Brenchie’s Lab, con pa traha bo mester producto cu zero waste, y con pa colecciona cuminda foi di mondi cu Taki. Banda di esaki lo tin actividad pa traha baki mata cu plastic recicla, pa traha “tiny libraries” di palette, pa baila cu Artificial Intelligence di google, escape room den VR, 3D scan bo mes, y wak laser cutters y 3D printers.
Sin lubida careda di Robot di e robotics club y drone racing! Tambe lo tin dushi snacks di Taki Greens y Itza Pizza.
Un evento sigur cu hopi cos pa wak y haci. Metabolic Foundation ta invita pueblo henter pa ta parti di esaki y pasa biblioteca dia 7 di Juli entre 11or di mainta y 8or di anochi.
Scroll To Top