‘Axel y su Pork’i Spaar’ hunto cu ‘Plaka Chikito’ na biblioteca

31/07/2019

Kiwanis Young Professionals of Aruba (KYPA) ta sigi cu nan proyecto fase 2, yama ‘Placa Chikito’. Placa Chikito ta un proyecto na unda ta pone atencion y siña mucha e importancia di finanzas personal.

KYPA a introduci un buki, na unda cu por medio di un storia, ‘Axel y su Pork’i Spaar’ ta conta mucha con pa spaar y pa sea consciente na momento di uza nan placa y tambe duna bek. Pa por yega mas cerca di mucha KYPA a organisa atardinan di storia rond di nos isla.

Tur atardi di storia lo ta di 6or pa 8or y lo ta pa muchanan entre 5-12 aña. E storia di ‘Axel y su Pork’i Spaar’ a wordo skirbi door di Edseline Figaroa y ilustra pa Leidy Ledesma. E atardi nan e storia lo wordo conta y dramatisa danki na señora Martica Lugay y tambe señor Richard Dabian. Gradicimento tambe na Alexis Tromp cu a percura pa e grabacion di audio pa e dramatisacion. E unico diasabra atardi di storia cu tin cupo ainda ta 17 di Augustus na Biblioteca San Nicolas, por registra libremente na secretary@kyparuba.org

Kiwanis Young Professionals ta gradici Elite Productions & Entertainment, Paradera Party Center, EZ Party Solutions, Biblioteca Nacional Aruba, Aruba Bank y CMB pa haci e proyecto un biaha mas posibel.

Scroll To Top

Newsletter