Biblioteca Rancho

05/02/2019

Sr. Clifford Rosa, coordinador di Fundacion Rancho a duna di conoce cu siman pasa a habri Biblioteca Rancho. Esaki ta disponibel pa e habitantenan di bario Rancho pa busca of lesa/consulta buki y disfruta di e coleccion cu tin. Tin un bon cooperacion cu Biblioteca Nacional di Aruba.

“Na Biblioteca Rancho tin un coleccion varia y pa esey sr. Rosa ta gradici Biblioteca Nacional Aruba y UNOCA. A habri cu un variedad di buki y hopi di nan na Papiamento”, Rosa a laga sa. Pa por a cay den e criteria pa lanta un biblioteca mester por tin un sistema hinca den otro. No ta papia di miembrecia ainda, pero si ta papia di un sistema unda e persona ta registra pa asina ey por huur un buki y bay cun’e pa un siman y hibe bek.

Segun sr. Clifford Rosa tin material di Dept. Arubiana, di Archivo Nacional Aruba (ANA). Pero tambe tin informacion di e hendenan, di e habitantenan cu no tin ningun otro caminda. Tin biaha e hendenan ta warda documentonan den baul cu tin balor y pesey ta encuresha e personanan aki pa comparti esaki cu Biblioteca Rancho. Dentro di poco lo drenta den un otro proyecto cu UNESCO unda cu por documenta e informacion, Rosa a agrega.

Scroll To Top

Newsletter