Biblioteca San Nicolas ta muda
23/10/2018
Biblioteca Nacional Aruba ta anuncia cu su sucursal ta cera diahuebs awor te un proximo aviso. E renovacion di e edificio di biblioteca San Nicolas ta cla y gerente a ricibi yabi di edificio algun dia pasa. Biblioteca ta cuminsa e proyecto di muda bek pa su cas na Peter Stuyvesantstraat 16.
Biblioteca tabata temporalmente ubica na B. v.d. Veen Zeppenfeldstraat # 10 durante e renovacion. Empleadonan di biblioteca ta hopi contento cu por cuminsa muda y drecha e interior pa por brinda un servicio optimal pronto. Miembronan cu ta desea di fia buki por haci esaki na biblioteca na Playa. Gerente di Biblioteca Nacional Aruba ta pidi usuarionan comprension y poco pasenshi pa e servicio limita y ta spera cu esaki ta pa un periodo cortico so.
Scroll To Top