Bloom y In between the lines

June 1, 2018

Poeta y autor James McInerney di Inglatera a regala biblioteca dos di su bukinan titula ‘Bloom’ y ‘In between the lines’. Tur dos buki ta coleccionnan di poema. James a descubri skirbimento tempo cu e tabata den e di tres decada di su bida. Autor James tabatin un deseo pa su bukinan ta den coleccion di biblioteca publico na Aruba y a post nan.
E ta describi su coleccion como “Mixing my own thoughts and emotions with classical and instrumental film scores, I realised for the first time in my life that there was more to writing than met the eye”. Asina su amor pa poesia a crece bira un pasion. E mes ta haci su marketing, James tin como 30,000 followers riba Instagram y 10,000 riba Twitter.
Actualmente su bukinan ‘In between the Lines’ y ‘Bloom’ ta disponibel via Amazon. Pronto nan lo ta den coleccion di biblioteca pa fia. Su di tres buki a keda publica na december ultimo, titula ‘Red’. Despues su di 4 buki ta sigui. Esaki ta carga e titulo ‘The Pieces that Collide’. Nos ta desea James hopi exito den su carera y un danki pa su bunita regalo.

Scroll To Top

Newsletter