Buki di arte

September 21, 2018

Curador di Aruba Art Fair, sr. Jimmy Yanez a regala biblioteca diferente buki pa e coleccion. Sr. Yanez actualmente ta ocupa cu e organisacion di Aruba Art Fair pero asina mes el a haya tempo pa entrega un donacion na sra. Astrid Britten, directora di biblioteca. Trata di algun buki di arte na Venezuela y un tesis di sr. Victor Fuenmayor.

Aruba Art Fair ta tuma lugar dianan 5, 6 y 7 di october. Otro siman edificio di biblioteca San Nicolas ta haya su make-over.

Durante e prome edicion di Aruba Art Fair na 2016, dilanti entrada di edificio di biblioteca na San Nicolas a keda decora cu un mural impresionante di un yuwana. Esaki ta un obra 3D traha cu material recicla. Actualmente e edificio ta den renovacion y e aña aki e ta cla cu su murayanan blanco pa ricibi tres artista di Europa pa transforma e edificio den un obra espectacular. Tres artista, Dmitrij, Mr. Dheo y Pariz One cu a yega di traha varios obra hunto caba.

Scroll To Top

Newsletter