Coleccion Nacional

BNA – Biblioteca Nacional Aruba

Dept. Arubiana/Caribiana ta e departamento di Biblioteca Nacional Aruba unda ta realisa un tarea importante. Dept. Arubiana/Caribiana ta colecta, warda y ta pone na disposicion tur material y obra tocante di Aruba. Aki ta colecta material di Antia Hulandes y region Caribe. No por fia buki di e coleccion di Arubiana/Caribiana, pero si bo por saca copia.

E caracterisca mas importante di e departamento aki ta cu ta colecta y warda tur cos cu tin balor informativo y historico pa Aruba. Cu esaki kier cumpli cu un di e tareanan di Bibloteca cu ta: conserva nos herencia cultural.

Dept. Arubiana/Caribiana ta dispone di e siguiente coleccionnan : Coleccion Nacional, Coleccion Balioso, Coleccion Arubiana/Caribiana, Coleccion Hartog, Coleccion Ito Tromp, Documentacion di Aruba, Coleccion di revista

E Coleccion Nacional ta contene herencia cultural di Aruba. E coleccion aki ta contene obranan balioso, obranan anticuario y excepcional y no ta accesibel pa publico en general, pero solamente cu permiso special por investiga y consulta. e obranan aki, special den cuadro di investigacion scientifico. E coleccion balioso aki ta contene e buki di mas bieu tocante Aruba cu ta data di 1577.


Scroll To Top

Newsletter