Creative non-fiction

11/07/2018

Biblioteca Nacional Aruba ta ofrece un curso cortico di skirbi ‘Creative nonfiction’. E curso tin duracion di 6 siman, 1 biaha pa siman. Esaki ta tuma lugar na biblioteca na Playa. E curso ta na Ingles y ta bou guia profesional di Writing coach Deedee Baarh. E curso ta costa 125 florin pa persona.

E curso ta cuminsa dialuna 6 di Augustus, registracion por via [email protected]. Ta sigui dianan August 6, 13, 20. 27  di augustus y dia 3 cu 10 di september 2018, tur sesion dialuna anochi di 5or pa 7or. Registracion ta cera 24 di juli.

Creative nonfiction ta basa riba e experencianan y memorianan unico di e autor. E ta pa conta un storia berdadero uzando obhetonan creativo y tecniconan di skirbi di fiction y poema. E ta un mescla perfecto entre e echonan real y e personal. E ta un storia berdadero skirbi den un manera bunita y interesante. No-ficcion Creativo por tuma diferente forma manera; Travel writing, personal essay, lyrical essay, memoir, autobiografianan, journalnan of blog post pa menciona algun.

Esaki ta interesante pa tur esnan cu ta gusta skirbi di nan propio experencia y ta desea di post, blog of publica di otro forma pero e por keda priva tambe den un journal. Esaki ta level1y despues ta sigui cu level 2.

Deedee Baarh a completa su Bachelor’s degree na University of Central Florida y su Master’s na City College of New York den Creative Writing y tin experencia amplio den diferente area di creative writing, proofreading y editing.

Scroll To Top

Newsletter