Crisen Schorea
22/05/2018
Biblioteca Nacional Aruba ta trece su Festival di Buki pa mucha e aña aki atrobe. Den siman di dia 5 pa dia 9 di november un grupo di autor di buki pa mucha, ilustrador y contadornan di storia ta bishita mas cu sesenta scol, primario, basico y special, riba nos isla. Biblioteca a invita persona di Corsou, Alvin Inecia (Tio Ali) y Crisen Schorea y Levi Silvania. Nan ta bishita scol pa conta storia, papia tocante buki cu mucha y tambe pa stimula mucha pa lesa mas.
Crisèn Schorea (1975), di profesion sociologo, ta di curason un escritor, cantante, actriz, un humilde y ferviente admirador di arte, specialmente arte escenico.
Aña pasa el a logra haci un di su soñonan realidad esta publica su prome buki di poema titula ‘Sinti mi Sinti’[. Crisèn a participa na diferente proyecto literario manera ‘Dichters in de Bomen’, ‘Literaire Tippelzone 2008 & 2009’, ‘Ban Lesa (Kinderboekenweek Curaçao) di 2014-2016 y ‘Un buki pa lesa’ di JCIOBA?. Esaki ta prome biaha cu e ta participa na Festival di Buki pa mucha na Aruba. Crisèn ta conoci tambe como actriz. Na e momentonan aki Crisèn y su banda, ‘the 8.40 Band’, ta trahando riba su prome album musical.
Aña pasa Crisen a participa pa di prome biaha na e festival na Aruba y el a gusta hopi. E ta purba un biaha mas pa stimula muchanan pa lesa hopi mas.