Cruz cora cu buki conmemorativo

April 4, 2018

Awe Cendrik v.d. Linden, boluntario di Cruz Cora, a bishita directora di Biblioteca Nacional Aruba, sra. Astrid Britten pa entrega buki di historia di Cruz Cora. Cendrik a entrega dos buki y un moneda special. Ta trata di ‘Here to help: 150 years Netherlands Red Cross’ skirbi pa Margot van Kooten y ‘Hier om te helpen: 150 jaar Nederlandse Rode Kruis’ (400 pag.) skirbi pa e mesun autor hunto cu Ad van Liempt.

E bukinan aki ta conta e historia di 150 aña di historia di e organisacion Cruz cora na Hulanda, for di 1867 te 2017. Tambe ta duna un bista fotografico di diferente momento impactante den historia. Y ademas storia di heroe y victimanan di desgracia. E investigadornan y autornan ta duna un relato extenso di hopi suseso den historia. Cruz cora ta e organisacion conoci rond mundo pa yuda hende den necesidad di cuido inmediatamente. Cendrick tambe a entrega un moneda di 5 florin conmemorativo cu a Cruz Cora a laga diseña den cuadro di e celebracion di e milestone importante aki. Pronto e buki lo ta pa fia na biblioteca.

Cruz Cora na Aruba por conta cu diferente boluntario pa yuda preveni accidente y duna asistencia di prome auxilio. Cruz cora ta ofrece diferente curso. Pa bira un boluntario mester ta 16 aña bay ariba. Oficina ta situa na Pedro Gallegostraat 14.

Scroll To Top

Newsletter