Curasonchi

September 21, 2018

Poeta Rosabelle Illes a skirbi su prome buki pa mucha hunto cu Levie Silvanie. Jowy Maasdamme ta ilustrador pa e buki. Titulo di e buki ta ‘Curasonchi’. Curasonchi ta un buki skirbi den 5  idioma.

E buki  ta disponibel for di dia 29 di september. Rosabelle y Levi ta presenta e buki durante Festival di Buki pa Mucha 2018 na muchanan di scol. Por bestel e buki online, hunto cu peluche Curasonchi y otro gadgets manera sticker, pin y potlood. Tambe tin un theme song di Levie Silvanie titula ‘Sigui stima’. ‘Curasonchi’ kier ta algo otro cu djis un curason, e ta biaha den e curpa pa wak con ta sinti pa ta un wowo, un man, un pia y otro partinan di e curpa. Durante su aventura e ta siña e importancia di su mes: e Curason.

Rosabelle Illes ta un poeta y escritora y tambe sicologo. Levi Silvanie (1987) ta conoci como artista musico y Jowy Maasdamme ta artista visual y ilustrador. Jowy ta di mayor Arubiano y ta biba na Rotterdam. Despues cu el a studia ley el a profundisa su mes mas den dibuho y ilustracion. Kizas por defini su ilustracionnan como poco surrealistico y den area di fantasia. Levi Silvanie ta un musico, cantante y nos ta wak’e hopi biaha cu su guitara. Kizas esaki ta su instrumento favorito? Levie ta di Corsou y ta biba na Rotterdam.

Biblioteca Nacional Aruba ta sumamente orguyoso di por yama e artistanan aki bon bini na su Festival di Buki pa Mucha 2018. Pa haya sa mas di nan y e buki ‘Curasonchi’, bishita Curasonchi su website.

Scroll To Top

Newsletter