Dia di Biblioteca 2018

23/02/2018

Na Biblioteca Nacional Aruba gerente y empleadonan a celebra Dia di Biblioteca hunto. Un dia di presentacion, charla y tayer pa tur cu enfoke riba: ‘21st Century skills: Stimula profesionalismo’.

Esaki a tuma lugar diaranson, dia 21 di februari ultimo. Den cuadro di proyecto di UNESCO, Sra. Norma Verheijen, di Koninklijke Bibliotheek (KB) di Hulanda ta na Aruba pa un bishita di trabou y sra. Verheijen tabata un di e oradornan riba e dia aki. Temanan cu personal di biblioteca a focus ariba ta: Biblioteca di Futuro y Futuro di Biblioteca, Informacion (y duna informacion) den era moderno/digital, e asina yama ‘21st century skills’, Digital Literacy (digitale geletterdheid), Media- and Information Literacy (Mediawijsheid en Informatievaardigheden), Biblioteca Nacional Aruba y e “UN Agenda 2020”.

Minister di Enseñansa, Ciencia y Desaroyo Sostenibel, sr. Dr. Lampe a habri e dia di estudio y reflexion oficialmente, encurashando un y tur pa sigui siña y desaroya trabou di biblioteca. Despues di merdia empleadonan a wordo pidi pa brainstorm hunto den tayer bou titulo: ‘Hunto nos ta crea e futuro’. Esaki ta resulta den un vision pa 2025. Por conclui cu e empleadonan di biblioteca tin espectativanan grandi pa un servico optimal di biblioteca.

 

Scroll To Top

Newsletter