Dia di Diversidad Cultural pa Dialogo y Desaroyo

03/05/2019

Dialuna, 20 di mei 2019, di 7’or pa 9.30 di anochi lo tin un actividad cultural den cuadro di celebracion di ‘Dia Mundial pa Diversidad Cultural, pa Dialogo y Desaroyo’ na Biblioteca Nacional Aruba, Oranjestad.

Ta un anochi hopi special cu un programa excepcional presenta pa Biblioteca Nacional Aruba y Departamento di Cultura Aruba, hunto cu gestor cultural Mirto Lacle.

E anochi ta consisti di tres parti; temanan di misticismo cu charla, musica cu canto y declamacion, Exposicion. Como huesped internacional lo ta presente Geshe-la Chamba, un Lama di Tibet, cu lo tene un charla relaciona cu ‘Compassion and Sharing’.

Lo tin apertura di un exposicion relaciona cu  e tema misticismo bou di direccion di Hans Timpner. Ademas un presentacion di diferente cantante hoben manera Priscilla Quandt, Amanda Perla Britten y posibel participacion di Grupo Melodia. Lo tin declamacion di algun participante di ‘Arte di Palabra 2019’.

Den cuadro di celebracion lo tin reconocemente pa icono musical Arubano y coleccionista di buki na Papiamento. Un cordial invitacion na publico en general pa asisiti na e celebracion aki. Entrada ta gratis.

Pa mas informacion por tuma contacto cu Hans Timpner tel. 560 4295. Oficialmente  Dia di Diversidad, popularmente conoci como ‘Dia Mundial di Diversidad Cultural, pa Dialogo y Desaroyo’, ta un oportunidad unico pa yuda comunidad compronde e balor di diversidad cultural y siña con pa biba hunto den harmonia.

Scroll To Top

Newsletter