Dictado nacional 2018

February 14, 2018

Fundacion Lanta Papiamento ta organisa ‘Dictado Nacional’ pa tur edad dia 21 di Februari 2018, Dia Internacional di Lenga Materno, for di 7’or pa 8or y mey di anochi na Biblioteca Nacional Aruba. Entrada ta gratis!

Fundacion Lanta Papiamento hunto cu Departamento di Cultura Aruba (DCA) ta invita publico pa participa na esaki y reta bo mes den conocemento di bon uzo di Papiamento.

DCA tin 2 punto di prioridad den su maneho cultural, nan ta ‘Educacion den Arte y Herencia Cultural’ y ‘Documentacion y Digitalisacion di Herencia Cultural’. Tur dos hopi importante pa Papiamento. E app na Papiamento ta un ehempel di digitalisacion den cuadro di DCA su maneho. E maneho tin como meta pa mantene e idioma bibo, su desaroyo di herencia cultural den documenta y digitalisa esaki ta pa sigura cu Papiamento ta keda bibo entre nos habitantenan pa tur generacionnan cu ta sigui.

E aña aki 2018 ta Aña di Papiamento y pa cual motibo Departamento di Cultura Aruba (DCA) hunto cu Fundacion Lanta Papiamento (FLP) ta pone mas atencion na nos idioma Papiamento.

Scroll To Top

Newsletter