E negoshi di koffie na Aruba
23/02/2018
Otro produccion historico a keda publica. Ta trata di un buki titula ‘E negoshi di koffie na Aruba: e ruta Colombia-Aruba-Merca’ skirbi pa sr. Benjamin Romero. Esaki ta prome buki di Romero cu tin mas cu 20 aña trahando den prensa. El a yega di ocupa diferente funcion na matutino Bon Dia Aruba. Presentacion di e buki aki ta tuma lugar dia 7 di december 2016 na Biblioteca Nacional Aruba pa 7or di anochi. Romero a investiga e historia di negoshi di koffie na Aruba y tambe e negoshantenan cu tabata hunga un rol grandi. Esaki sigur ta un parti di Aruba su historia no mucho conoci cerca un publico grandi. E buki lo ta obtenibel e anochi aki. Entrada pa e evenemento ta gratis.
Riba potret: Sr. Benjamín Romero a bishita biblioteca awe pa entrega oficial di su buki na directora sra. Astrid Britten. El a haci esaki den compania di Sr. Mirto Laclé.
