Exposicion di Censo (1960-2020)

August 15, 2018

Dialuna atardi tabatin apertura di Exposicion ‘Censo 1960-2020’ na biblioteca na Oranjestad. E exposicion organisa pa Oficina Central di Estadistica, ta duna pueblo di Aruba e oportunidad pa haya informacion di e historia di tur Censo. E prome Censo na aña 1960, sigui pa Censo 1972 y 1981 cu a wordo organisa centralmente door di e oficina Central di Estadistica na Willemstad, Curaçao pa tur e islanan cu tabata pertenece na Antiyas Hulandes, incluyendo Aruba. Na aña 1991 Oficina Central di Estadistica di Aruba a organisa e prome Censo desde cu Aruba a logra su Status Aparte, sigui pa Censo 2000 y Censo 2010.

CBS ta invita pueblo pa bishita e exposicion cual  ta ilustra en corto tur e inovacionnan cu cada Censo a conoce durante e añanan y alabes ta duna un corto introduccion di Censo 2020 cu ta den full preparacion caba. E pueblo di Aruba lo por lesa diferente informacion y alabes wak diferente video cu ta contene informacion valioso colecta durante e Censonan.

 

Scroll To Top

Newsletter