Exposicion ‘Vanessa and friends’

October 25, 2018

Biblioteca Nacional Aruba ta presenta un exposicion titula ‘Vanessa and friends’ for di dialuna dia 22 di oktober te cu dia 30 di November 2018. Esaki ta habri pa publico den Sala di exposicion segun orario regular di biblioteca.

Artista visual Vanessa Paulina a ilustra e buki di Festival di Buki pa Mucha titula, ‘Amigonan tur caminda’. Publico lo por wak e ilustracionnan di e buki y naturalmente e buki mes.

E buki ta un compilacion di storia di Richard Dabian, Robert Reeberg, Reginald de Palm, Sergio Tjie-A-Loi, Gino Vrolijk, Alvin Inecia (Tio Ali), Crisen Schorea, Daniëlle Schothorst, Denise de Jongh-Rekwest, Diana Marchena-Martes, Evelien van Dort, Indra Hu-Ramdas, Jeroen Hoogerwerf, Liliana Braamskamp-Erasmus y Mariska Hammerstein. E ta yen di storia pa mucha di scol basico. Storianan di amistad entre mucha, bestia, hende di diferente cultura. ‘Amistad’ ta e tema di e Festival di Buki pa mucha e aña aki.
Vanessa Paulina a capta cada storia den un imahen colorido.

Scroll To Top

Newsletter