Future relics

June 27, 2018

Diahuebs awor ta e apertura di ‘Future Relics’ cu obranan di un grupo di artista na Ateliers ‘89.

Esaki ta e resultadonan di e workshop bou guia di artistanan Yiannis Mouravas y Nicola Baratto. Dos artista cu a bin Aruba un par di siman ‘In residence’ na Ateliers ’89, pa haci un investigacion ariba Antilla, e barco gezink, pero tambe ariba e arceologia cu a wordo lubida y arceologia propio di cual e ultimo ta e punto di salida pa e workshop aki.

Si ta dianan di hopi tension atrobe na Ateliers ’89, pa asina por logra termina e obranan na tempo y presenta nan pa e opening diahuebs awor 28 di Juni pa 8pm. na Ateliers ’89.

E grupo di artistanan local a traha un luna largo riba nan proyecto artistico. Nan ta Amy Biegstraaten, Facundo Franken, Kareina Arcaya, Alexis Dirksz, Suzzane van Spall, Albert Rey, Agnes Leslie, Adolfo Rekkers, Ann Angela, Rodrigo Peraza, Pamela De Coteau, Farley Croes y Romelinda Maldonado y nan a haci nan best pa via pintamento crea ideanan inovativo y deseñonan futuristico. Pa asina por jega na e obranan di escultura y instalacion cu lo wordo wordo presenta diahuebs awor.

E apertura di e exposicion lo wordo acompaña pa e DJ Adriano Nanof.

Tur esaki haci posibel pa UNOCA, Mondriaan Stichting, ATA, Arion Wine Company, Compra, NEVER NEVER LAND, Vibration PR y mucho mas. Un y tur ta bon bini.

 

Scroll To Top

Newsletter