Historia 45 aña Movimiento Electoral di Pueblo (1971-2016) pa coleccion di biblioteca
23/02/2018
Awe biblioteca a ricibi un publicacion cu ta contene historia di partido politico Movimiento Electoral di Pueblo (MEP) pa e coleccion nacional di Biblioteca Nacional Aruba. Lider di e partido politico Sra. Evelyn Wever-Croes a bishita biblioteca pa un entrega oficial di e publicacion na directora sra. Astrid Britten. Sra. Evelyn Wever-Croes a bishita biblioteca hunto cu dos colega, sr. Manolo Giel y sra. Lisbeth Yarzagaray y nan a haya un recorido na biblioteca Playa.
E publicacion ‘Historia 45 aña Movimiento Electoral di Pueblo (1971-2016)’ lo keda warda na Dept. Arubiana na unda ta realisa un tarea importante. Dept. Arubiana ta colecta, warda y ta pone na disposicion tur material y obra tocante di Aruba. Publicacion y material cu tin balor informativo y historico pa Aruba. Cu esaki ta cumpli cu un di e tareanan di Bibloteca cu ta: conserva nos herencia cultural.
Scroll To Top