Imahen bibo riba muraya di biblioteca San Nicolas

October 3, 2018

Den cuadro di Aruba Art Fair tres artista internacional a bin Aruba pa haci nan arte riba e edificio di biblioteca na San Nicolas. E tres artista visual, Dmitrij, Mr. Dheo y Pariz One, nan a yega di traha varios obra hunto caba. Prome cu nan haci nan arte nan a haci un investigacion kico ta un bon tema pa e diseño. Den caso di biblioteca publico lo por wak buki y informacion den e diseño. Tambe un imahen cu ta expresa cu adkiri conocimento por habri bo mente y mundo. Y cu storia ta stimula imahinacion.
Ta bunita pa wak con e imahennan ta biba cada dia un tiki mas. E artistanan ta trata di caba e trabou prome cu diabierna. E dia cu Aruba Art Fair ta habri. E artistanan ta contento cu nan ta na Aruba y cu nan a wordo bon ricibi dor di e organisacion, gobierno y ATA.

Scroll To Top

Newsletter