Kico bo ta wak?

19/09/2019

E siman aki bishitantenan a haya oportunidad pa wak 3 obra di arte y haci pregunta na e artista durante un encuentro habri na biblioteca. E preguntanan cu e bishitante a haci, a trece un combersacion y interaccion. Esaki tabata e meta di e evento ‘Kico bo ta wak?’ cu a tuma lugar diaranson ultimo. Esaki tabata un evento organisa pa Plataforma Aruba.

Plataforma Aruba entre otro kier crea un espacio na unda e audiencia por descubri maneranan nobo di experencia arte visual contemporaneo. Artistanan visual local Osaira Muyale, Zoe Velvet Ramos y Irvin Aguilar a expone nan obra y a ofrece un splicacion con nan a yega na e creacion.

Historiador di arte, Ana Maria Hernandez, a splica e pakico di e anochi y a anuncia cu lo tin mas evento. Plataforma a scohe pa organisa algun evento na biblioteca publico pa por yega mas cerca di publico. E programa publico di Arte den Biblioteca ta wordo realisa cu e sosten di UNOCA.

Scroll To Top

Newsletter