Mariëlla van de Beek
11/09/2019
Biblioteca Nacional Aruba ta presenta den e edicion aki un ilustrador special for di Hulanda. Mariëlla van de Beek a bin Aruba 2 biaha caba pa e Festival di Buki pa Mucha. E ta bishita scol den prome siman di november 2019. Mariëlla ta ilustra buki di mucha y ta hopi contento cu e por bishita e muchanan di scol. Cu su buki y material visual bou cocodek Mariëlla ta drenta klas, hunto cu un guiador. Pa un lesuur e lo laga e mucha cera conoci cu buki, storia y bunita ilustracion y claro cu Mariëlla ta conta algo di su mes. Tur esaki pa stimula mucha pa lesa buki y tambe bishita biblioteca un poco mas. Lesamento ta keda algo esencial den desaroyo di un mucha.
Mariëlla van de Beek a cuminsa pinta tempo cu e tabata mucha chikito y asina e tabata bay den un mundo di fantasia. Mariëlla ta biba su soño ilustrando buki pa mucha y otro publicacionnan. Mariëlla a diseña e logo di e Festival di Buki pa Mucha na 2017 y na 2016 el a ilustra e buki di Curt Fortin “Un Co…co…colebra grandi!”. Biblioteca Nacional Aruba ta invita tur mucha pa e fiesta di apertura diabierna dia 1 di november di 6or pa 8or na Cas di Cultura.
Scroll To Top