Masha pabien dr. Joyce Pereira

November 26, 2018

Staf y personal di Biblioteca Nacional Aruba ta extende nan felicitacion na dr. Joyce Pereira. Dr. Joyce Pereira kende a defende su tesis na Universidad di Corsou titula ‘Valorization of Papiamento in Aruban society and education, in historical, contemporary and future perspectives’ pa obtene su doctorado. Dr joyce Perreira ta e prome persona y di sexo femenino cu a logra e titulo aki na e facultad nobo di University of Curaçao mr. dr. Moises Frumencio da Costa Gomez. Pa a bira e prome doctorado di Papiamento dr. Joyce Pereira a haci investigacion pa varios aña. E contenido di e tesis en general ta tocante posicion di idioma Papiamento den comunidad y nos sistema educacional na Aruba.

Dr. Pereira ta conoci como docente, promotor di idioma Papiamento y ta un di e motornan tras di Fundacion Lanta Papiamento. Dr. Joyce Pereira ta un ambasador literario y tabata un di e organisadornan di Concierto Dominical pa hopi aña. Na biblioteca dr. Joyce Pereira a presenta Cafe Literario diferente biaha. Asina por sigui menciona hopi mas di dr. Joyce Pereira.

Nos ta desea dr. Joyce Pereira hopi exito den futuro cu su proyectonan y retonan nobo. Nos conoce dr. Joyce Pereira como un hende muher profesional y unico cu e energia di un ‘warrior’ cu ta persevera den lucha pa Papiamento y Biblioteca Nacional Aruba gustosamente ta sigui sostene su metanan. Palabranan di elogio pa dr. Joyce Pereira. Masha masha pabien y tur exito , Joyce!

Biblioteca Nacional Aruba a ricibi algun ehemplar di e publicacion final ‘Valorization of Papiamento in Aruban society and education, in historical, contemporary and future perspectives’ pa su coleccion nacional y tambe circulacion.

Scroll To Top

Newsletter