Mucha / Hoben

BNA – Biblioteca Nacional Aruba

Coleccion di buki pa mucha

Biblioteca Nacional Aruba ta ofrece un coleccion grandi di buki pa mucha di tur edad. Cuminsando na baby, peuters y kleuters. Tin un coleccion di buki cu hopi imahen, bukinan di prenchi cu e mucha chikito mes por wak, su so. Y bukinan cu un mayor por lesa hunto cu su chikitin. Esakinan ta traha di papel y carton poco mas duro. E coleccion di buki pa mucha cu ta bay scol primario ta amplio y tin buki na diferente idioma. Tin un coleccion di buki pa mucha poco mas grandi, hoben y Young Adults, na Papiamento, Hulandes, Spaño y Ingles. Biblioteca su  coleccion informativo ta ofrece bukinan riba tur topico, di bestia pa avion, naturalesa, hada, buki cu receta, poesia, deporte y algo pa cada hobby y interes pa tur mucha. Tambe tin material pa usa pa tarea di scol. Muchanan te cu 12 aña bira miembro na biblioteca. Esaki ta gratis. Mayor ta trece un ID valido pa registra nan yui como miembro y tambe e carchi AZV di cada yiu. Mucha por hiba 3 buki cas pa 4 siman. Semper tin colega pa duna un recorido y yuda busca loke e mucha mester of ta desea di lesa. Pa tur pregunta por yama na # 528 1527 of email na info@bibliotecanacional.aw

Actividad pa mucha

Tur siman tin actividad pa mucha na Biblioteca Nacional Aruba. Diamars atardi tin actividad na biblioteca na Playa y diaranson tin actividad na biblioteca na San Nicolas. Esaki ta tuma lugar di 3’or pa 4’or. Durante e actividad, ta lesa of scucha storia of informacion tocante un topico. Ademas, e muchanan ta haci obra di man of un wega. Esaki cu e meta pa stimula lesamento bou di mucha y duna e bishita na biblioteca un toke diferente y recreativo. Participacion na e actividad ta pa mucha di 4 pa 7 aña y ta completamente gratis.

Tin biaha nos ta invita autor di buki pa mucha of ilustrador pa duna mucha mas gana di lesa y stimula e goso di lesa buki. Tur mayor cu ta desea pa nan yiu participa  na e actividad den Verteltoren ta bonbini. Por yama nos na Playa na # 528-1500 of San Nicolas na # 528 1591.


Young Adults Library

Bibiblioteca ta ofrece un coleccion grandi di buki pa adolescente, tanto na Hulandes, como na Ingles: e asina yama Young Adults Library (YAL). E bukinan di YAL ta indica cu un sticker cu letter D riba e lomba. E coleccion ta ofrece tambe serie di buki popular. E bukinan aki ta poni den un skina special pa hoben. Miembrecia ta gratis, terec un ID valido of bo carchi AZV. Por fia Ebooks tambe.

Scroll To Top

Newsletter