Nos parhanan riba murals na San Nicolas

October 2, 2018

Nos naturalesa, bestianan y muy en particular nos parhanan ta bou menasa pa motibo di hopi construccion y contaminacion di medio ambiente. Ta purba di capta atencion di publico pa e problematico aki pa medio di Arte visual.

Aruba Art Fair (AAF) ta un proyecto special cu ta pone publico pensa riba e industria creativo y tambe temanan special cu merece nos atencion. Na San Nicolas AAF ta produci 30 mural formando un ruta strategico pa pueblo y turista bishita. E aña aki ta concentra riba e embeyecimento di e caya di Theaterstraat y e edificio di biblioteca na San Nicolas.

No mucho dia atras Serlimar y Bureau City Inspection a laga demoli dos di e casnan banda di e biblioteca, dunando asina espacio pa converti e acento den su totalidad n’e muralnan cu awor ta den pleno bista.

E artista di Hulanda, Eelco van den Bergh, famoso pa su trabaonan gigantesco na New York a scohe e muraya di e edificio di ex-Rialto y awendia ATCO den Theaterstraat, pa ilustra su preocupacion. Un preocupacion pa e daño na e habitat di nos animalnan. Un ehempel ta loke a pasa recientemente na Bubali plas pero tin mucho mas ehempel. Ta p’e motibo aki e artista “IamEElco” a a pinta su obra riba e murayanan di ATCO. Dedica na conservacion di e habitat di nos parhanan.

Aruba Art Fair 2018 lo tuma lugar den e cayanan di San Nicolas e weekend aki, October 5,6,7, 2018.

Scroll To Top

Newsletter