Performance y charla cu Natusha Croes

07/10/2019

Diamars dia 15 di oktober pa 5or y mey lo tin un evento publico na biblioteca caminda artista contemporaneo Natusha Croes lo splica y demostra kico ta Performance art. Esaki ta pa tur cu ta curioso pa haya sa kico esaki ta. Publico ta bonbini na biblioteca na Playa.

Den historia, arte visual semper a crece y evoluciona door di artistanan cu a pusha e limitenan y a busca maneranan nobo di expresion. Un di e desaroyonan mas importante den arte visual contemporaneo ta Performance Art. Den Performance Art, e artista ta haci uso di su curpa manera instrumento di expresion. Plataforma Aruba a invita artista visual local Natusha Croes pa un charla unda e lo papia tocante e rol cu performance art ta hunga den su practica artistico. E anochi lo wordo acompaña door di un live performance di Natusha Croes.

E evento aki ta un iniciativa di Plataforma Aruba y ta forma parti di e proyecto Arte Contemporaneo den Biblioteca y ta wordo realisa cu e sosten di @UNOCA.

Scroll To Top

Newsletter