Renovacion edificio biblioteca San Nicolas ta cla

October 5, 2018

E siman aki gerente di Biblioteca Nacional Aruba a ricibi e yabi di edificio biblioteca San Nicolas for di ingeniero sr. Eric Vrolijk di DOW. Cu e entrega oficial di yabi, e proyecto grandi di renova edificio di biblioteca a yega su fin y pronto biblioteca por muda bek pa su cas.

Despues di un renovacion di casi un aña biblioteca San Nicolas por ofrece e servicio cu miembronan y bishitante na San Nicolas tin mester. Habitantenan di San Nicolas y besindario ta fia buki y ta usa e espacio di biblioteca pa lesa y studia, topa otro y tene encuentro y reunion. E ta un lugar caminda por sinta trankilo pa traha. Tambe tin servicio pa usa computer y busca informacion online. Empleadonan di biblioteca ta hopi contento cu por cuminsa muda y drecha e interior pa por brinda un servicio optimal pronto.

Scroll To Top

Newsletter