Tayer pa docente
29/08/2019
Actividadnan di Festival di Buki pa Mucha 2019 ta den luz di e tema ‘Medio di transporte”(vervoersmiddelen). Pa comunica e tema bon cla na tur scol y mucha ta scohe un lema cada aña. E aña aki e lema ta ‘Ban lesa, biaha y gosa. Esaki ta un tema cu por haci hopi cu ne y biblioteca ta pidi tur guiador cu ta traha cu mucha pa ta creativo den duna contenido na e tema.
Inspiracion pa haci algo cu e tema tin hopi y biblioteca ta ofrece tayer na maestronan di scol preparatorio y basico con pa traha cu e tema aki den buki, contamento di storia y otro expresion. Docentenan interesa pa participa na un tayer por registra prome cu dia 30 di augustus. Workshopnan ta tuma lugar di dia 30 di september pa dia 3 di october 2019, di 3or pa 5or di atardi na biblioteca na Playa. Di cada scol cu ta participa na e festival di Buki pa mucha 2 docente por participa na un tayer. Registracion por cerca sra. Michelle Roos, [email protected] of tel. # 582 1580.
Scroll To Top