Tayer pa docente

August 9, 2018

Actividadnan di Festival di Buki pa Mucha 2018 ta den luz di e tema ‘Amistad’. Pa comunica e tema bon cla na tur scol y mucha ta scohe un lema cada aña. E aña aki e lema ta ‘Amistad! Traha storia hunto… Esaki ta un tema cu por haci hopi cu ne y biblioteca ta pidi tur hende cu ta traha cu mucha pa ta creativo den duna contenido na e tema. E tema sigur ta reconocibel pa un y tur.

Inspiracion pa haci algo cu e tema tin hopi y biblioteca lo duna tayer tambe na maestronan di scol preparatorio y scol basico,  con pa traha cu e tema aki den buki, contamento di storia y otro expresion. Docentenan interesa pa participa na un tayer por registra prome cu dia 31 di augustus. Workshopnan ta tuma lugar di dia 17 pa dia 20 di september, atardi di 3or pa 5or na biblioteca na Playa. Di cada scol cu ta participa na e festival di Buki pa mucha 2 docente por participa na un tayer.

Registracion por cerca sra. Michelle Thiel-Roos, m.roos@bibliotecanacional.aw of tel. # 582 1580.

Scroll To Top

Newsletter