Tema ‘Amistad’ den imahen
30/08/2018
Na Biblioteca Nacional Aruba preparacionnan ta den full swing pa e Festival di Buki pa Mucha. Un proyecto anual cu biblioteca ta organisa pa stimula lesamento cerca tur mucha den comunidad. Tema e aña aki ta ‘Amistad’ y artista visual, Vanessa Paulina, a traduci esaki den un imahen. Vanessa Paulina a haci esaki den su estilo autentico.
E ilustracion aki ta expresa amistad. Amistad entre mucha y adulto, entre hende y bestia, entre bisiña y un dushi ambiente di bario. Tambe Vanessa Paulina a crea un serie di ilustracion colorido, bibo, vibrante di energia di amistad pa e buki regalo di Festival di Buiki pa Mucha 2018.
Vanessa Paulina a ilustra diferente buki pa mucha. E ta conoci tambe pa su cuadranan y murals. Vanessa a expone su obranan rond mundo y Vanessa ta gusta duna workshops diferente. El a produci 3 buki; ‘Tocht over de rivier’, ‘Puppie’s verhaal’ y ‘Wat word ik later?’ y a ilustra e buki ‘The search for Streya’.
Den siman di dia 5 pa dia 9 di november un grupo di autor di buki pa mucha, ilustrador y contadornan di storia ta bishita mas o menos sesenta scol, primario, basico y special, riba nos isla. Nan ta bishita scol pa conta storia, papia tocante buki cu e mucha y pa stimula e mucha pa lesa
Scroll To Top