Tema y lema di Festival di Buki pa Mucha 2019

29/08/2019

Biblioteca Nacional Aruba ta organisa otro edicion di su Festival di Buki pa mucha pa stimula mucha pa lesa. Tema di 2019 ta conoci y esaki ta ‘Medio di transporte’ (Vervoersmiddelen). Cu e lema ‘Ban lesa, biaha y gosa’ ta invita mucha pa biaha den buki di mucha. E destinacion no ta asina importante sino e medio di transporte. Lesando un buki por descubri espacio cu un raket, experiencia aventura riba un barco di crucero, conoce un pais pa medio di un roadtrip, core den tractor y nabega lama riba un catamaran. Un biahe den buki tambe ta enrikece bo bida y pa medio di un buki nos por bay tur parti di mundo.

Manera tur aña Biblioteca Nacional Aruba ta presenta un publicacion special pa e festival y tur scol participante lo ricibi esaki y por obtene e buki tambe gratis na librerianan participante cu compra di un buki.

Scroll To Top

Newsletter