The search for Streya

15/05/2018

Na biblioteca nan ta hopi contento y impresiona cu un buki nobo pa mucha di escritora y blogger Sra. Tina Causey-Bislick titula ‘The search for Streya’. Sra. Tina Causey-Bislick ta un escritora bon conoci caba pero esaki ta su prome buki pa mucha. Ilustracion sumamente colorido ta di artista visual y diseñadora, Vanessa Paulina.

Esaki ta un buki pa mucha di Caribe y ta skirbi na Ingles. Pronto e autora y ilustradora lo haci un Book tour y lo conta e bunita storia aki na muchanan di Aruba. E ta un buki educativo cu ta duna informacion di turtuga di laman y ademas ta duna un bunita mensahe pa mucha haci bon (kindness). E storia ta conta di un aventura di Jasmira, un mucha muher di 9 aña y su ruman homber, Joey, di 4 aña cu ta tribi pa subi lama den boto di nan welo. Pronto esaki ta den coleccion di biblioteca hubenil pa mucha por lesa y e ta obtenibel na libreria pa un y tur.

Esaki ta sra. Tina Causey-Bislick su prome buki di mucha pero sigur sigur Jasmira lo tin mas aventura. Vanessa Paulina ta participa na e Festival di Buki pa Mucha 2018.

Scroll To Top

Newsletter