Tocante Biblioteca

Biblioteca Nacional Aruba (BNA) ta duna informacion di tur manuscrito y publicacion cu e comunidad ta produci, por ehempel buki, corant, revista, raport y relato y ademas ta colecta, ordena y ofrece publicacion den diferente forma na publico, por ehempel buki, corant, revista, raport, relato y material audiovisual. Pa un comunidad bon informa, un biblioteca bon desaroya cu un colecion amplio, actualisa y accesibel ta un condicion indispensabel. Semper BNA ta percura pa mantene cu su coleccion ta up-to-date. Biblioteca ta dispone na e momento aki di un coleccion di mas cu 100.000 buki.

Servicionan di Biblioteca Nacional Aruba

Pa facilita cada miembro di biblioteca mas tanto posibel biblioteca ta ofrece e servicio cu por busca buki tanto na Biblioteca na Playa como na sucursal San Nicolas. Ta keda na e miembro pa scohe e biblioteca mas cerca riba su ruta. Kizas e miembro ta biba na San Nicolas pero ta traha of ta bay scol na Playa of net lo contrario.
Biblioteca Nacional Aruba ta facilita su miembronan tambe pa haci entrega di buki na e sitio di nan escohencia, sea na Playa of e sucursal na San Nicolas. E cantidad maximo di buki ta keda igual y no ta asina cu por bay cu mas buki cu loke e miembrecia ta indica.

Biblioteca ta habri 5 anochi di dialuna pa diabierna. Biblioteca na Playa ta habri 3 anochi den siman te 7or di anochi, dialuna, diarason y diabierna. Biblioteca na San Nicolas ta habri 2 anochi den siman te 7or, diamars y diahuebs.
BNA ta ofrece mas cu solamente material publica. Aki nos otro servicionan.

Sala di estudio

Tur material, tambe loke bo no por fia, bo por studia den Sala di estudio na BNA. Den e espacio aki bo ta haya diferente enciclopedia, diccionario y documentario cu por sirbi bo ora di studia. Tambe bo ta haya informacion di literatura den forma di reseña y informacion biografico di escritornan Hulandes, Ingles y Spaño.

Copia

Ta posibel pa laga copia material. Copia preto cu blanco ta costa Afl. 0.25. Y color ta 1 florin pa pagina.

Sala di computer

BNA tin un Internet room cu 15 computer cu conexion di internet. Tur hende por haci uso di e computernan aki pa usa e progamanan di Microsoft Office y busca informacion riba Internet. WIFI ta gratis pa tur.

Huur sala/espacio

Den e edificio di BNA por reserva un espacio special pa exposicion of presentacion y reunion. Pa mas informacion bo por yama e secretaria durante ora di trabou na telefon : 582-1580 ext. 224.

Recorido

Biblioteca Nacional Aruba ta yama tur bishitante y miembronan (nobo) bon bini. Gustosamente nos ta yuda bo haya bo caminda den biblioteca mas lihe. Un y tur por haya un recorido den biblioteca pa asina cada bishitante sinti su mes na cas cerca nos. Ta duna recorido na personanan individual pero tambe na gruponan. Por pasa of yama na ‘Informacion’ pa pidi un recorido. Naturalmente un parti di e recorido ta e splicacion di e catalogo automatisa pa asina un bishitante por busca e material cu e ta desea di wak of lesa. Semper por hasi cualkier pregunta of pidi asistencia na ‘Informacion’.


Op deze website vindt u informatie over onze diensten en activiteiten. Onze deuren staan open voor een ieder. Op onze nieuwspagina’s kunt u lezen wat er te doen valt om en rond de bibliotheek, alsook andere nieuwtjes en informatie. De centrale bibliotheek is in Oranjestad gevestigd en ons filiaal in San Nicolas. De schoolmediatheek vindt u op de begane grond van ons gebouw in Oranjestad. Dept. Arubiana is gevestigd aan de Bachstraat # 5 en biedt een interessante collectie met materiaal over Aruba en alle publicaties gepubliceerd (op Aruba of in het buitenland) door auteurs van Arubaanse afkomst.
Daarnaast vindt u hier ook informatie over de Nederlandse Antillen en het Caraïbisch gebied. Voor specifieke informatie over de verschillende diensten en afdelingen verwijzen wij naar de desbetreffende webpagina. Wij hopen dat u ons regelmatig bezoekt. Heeft u ideeën of suggesties mailt u ons dan via info@bibliotecanacional.aw

Scroll To Top

Newsletter