Toto y Chubi ta nabega bay Boneiro
29/08/2019
Awemainta Sra Rosita Baarh a entrega 6 ehemplar di e buki pa mucha ‘Toto y Chubi ta nabega bay Boneiro’ na director suplente, Lilian Semeleer di Biblioteca Nacional Aruba. Sra. Rosita Baarh a traduci e buki di Paul Eckhardt na Papiamento. E buki ta na dos idioma, Papiamento y Hulandes. E ta un asina yama ‘omkeerboek’ cu e storia na dos idioma. Paul Eckhardt ta un pediatra cu un tempo a biba y a traha na Aruba y a skirbi e storia aki. Paul Eckhardt a busca contacto cu ilustrador y autora Irmgard Frans di Aruba cu e peticion pa ilustra e storia. Y asina nan dos a keda den contacto y a realisa e trabou. UNOCA a subsidia e imprenta di ‘Toto y Chubi ta nabega bay Boneiro’. E buki lo ta disponibel den Dept. Hubenil. Pronto e buki lo ta na libreria y tambe scol na Aruba. Toto y Chubi tin otro aventuranan cu ta na caminda. Keda pendiente di esaki.