Un bishita special
08/11/2018
Muchanan di Scol Arco Iris y Anglo Kleuterschool a haya un bishita special diaranson ultimo. Meneer Gino Vrolijk a bishita cuater klas cu su tas yen di buki y un mente yen di storia y fantasia.
Un storia tras di otro meneer Gino Vrolijk a saca for di su tas y a capta atencion di tur mucha di momento cu el a drenta klas te ora alafin alafan e storia a yega su fin. Banda di contamento di storia tabatin cantamento, rima, ritmo y alegria.
Meneer Vrolijk a conta e muchanan cu na biblioteca nan por haya hopi pero hopi storia y por fia buki. Diaranson tabata un dia yen pa meneer Gino Vrolijk cu 5 presentacion, tambe atardi na biblioteca pero esaki a bay hopi bon.