Un dedicacion special

29/05/2019

E conferencia di Association of Caribbean University, Research and Institutional Libraries (ACURIL) cu ta tuma lugar na Aruba den siman di dia 2 pa dia 6 di juni ta dedica na tres bibliotecaria special.

E conferencia ta dedica na Sra. Blanca Hodge, ex- director di Philipsburg Jubilee Library na St. Maarten (1968-2007), sra. Rosemary de Paula, ex-director di biblioteca publico na Corsou (1968- 2002) y sra. Alice van Romondt, ex- director di Biblioteca Nacional Aruba (1978-2002). Tur tres bibliotecaria ta ex-presidente di ACURIL tambe. Di e manera aki ACURIL ta honra tres director distingui cu a haci hopi pa trabou di biblioteca na tres isla.

Association of Caribbean University, Research and Institutional Libraries ta tene tur aña un conferencia pa Information professionals den Caribe. Esaki ta pa atende cu desaroyonan nobo den trabou di bibliotecanan, archivo y museo, tambe temanan actual, pa tene contacto cu otro y pa siña di otro y tambe conoce proyecto di otro (best practices).

Scroll To Top

Newsletter