Un Makerspace na biblioteca

07/03/2019

Metabolic Foundation tin su su Brenchie’s Lab Makerspace na biblioteca. Un makerspace ta un espacio unda ta bin hunto pa comparti interes comun, specialmente riba tereno di computer of tecnologia, pa traha riba proyectonan mientras ta comparti ideanan, ekipo y conocemento.

Un espacio caminda un y tur por experimenta cu ideanan nobo. Un espacio caminda por siña di otro, crea hunto, intercambia di idea, explora creatividad y planea, habri pa bo for di merdia te ora biblioteca cera.

Instrumentonan cu por usa pa yega na producto nobo ta e.o. laptops, 3D printers, 3D scanners, 360 camera, Google Cardboard VR viewers, Laser engraver with exhaust, Vinyl cutter y mucho mas, tambe herment pa drecha y torno obheto. Por traha robot, drone of mueblenan. Coachnan ta Christie Mettes, Tony Sevold y Manuel Rojas.

E makerspace ta ofrece un espacio habri caminda por experimenta trankilo y purba soluciona diferente problema tecnico of tecnologico. Makerspace ta dirigi su mes un poco mas riba mucha pero adulto tambe ta bon bini. Pasa wak pa bo mes kico tur ta posibel den un Makerspace.

Scroll To Top

Newsletter