Un Makerspace na biblioteca

September 13, 2018

Metabolic Foundation ta habri su Brenchie’s Lab Makerspace na biblioteca dialuna dia 8 di october. Un makerspace ta un espacio unda ta bin hunto pa comparti interes comun, specialmente riba tereno di computer of tecnologia, pa traha riba proyectonan mientras ta comparti ideanan, ekipo y conocemento.

Un espacio caminda un y tur por experimenta cu ideanan nobo. Un espacio caminda por siña di otro, crea hunto, intercambia di idea, explora creatividad y planea, habri pa bo for di merdia te ora biblioteca cera.
Instrumentonan cu por usa pa yega na producto nobo ta e.o. laptops, 3D printers, 3D scanners, 360 camera, Google Cardboard VR viewers, Laser engraver with exhaust, Vinyl cutter y mucho mas, tambe herment pa drecha y torno obheto. Por traha robot, drone of mueblenan. Coachnan ta Christie Mettes, Tony Sevold y Manuel Rojas.

E makerspace ta ofrece un espacio habri caminda por experimenta trankilo y purba soluciona diferente problema tecnico of tecnologico. Makerspace ta dirigi su mes mas tanto riba mucha pero adulto tambe ta bon bini. Pronto bo por wak pa bo mes kico tur ta posibel den un Makerspace.

Brenchie’s lab tabata situa den Brenchie’s building den Wilhelminastraat. Metabolic Foundation hunto cu Futura Lab y Biblioteca Nacional Aruba a yega na un acuerdo pa sigui operacion di Brenchie’s Lab na biblioteca na Playa.

Scroll To Top

Newsletter