Unda mi ronchi preto ta?

November 8, 2018

Contador di storia, Richard Dabian a contribui cu un storia titula ‘Unda mi ronchi preto ta?’ pa e buki ‘Amigonan tur caminda’. E buki aki ta un compilacion di storia. E siman aki Richard ta conta mucha e storia cu el a skirbi, den su disfraz special.

Biblioteca Nacional Aruba, ta organisa pa di 26 aña, ‘Festival di Buki di Mucha’. Idea y meta tras di e festival ta pa trece mucha, autor y buki hunto pa asina stimula e placer di lesamento.

Biblioteca ta sali hunto cu autornan y ilustradornan pa scolnan cu programanan varia. Scolnan preparatorio, basico y special ta haya bishita di autornan local y internacional. Tambe tin actividad ta tuma lugar diferente caminda, manera e atardinan di presentacion na Biblioteca, e actividadnan na e librerianan y na e diferente organisacionnan cu ta sea cuida of entretene mucha.

Scroll To Top

Newsletter