Biografia di Musico Arubano
19/12/2019
Departamento di Cultura (DCA) a finalisa su proyecto di investigacion riba informacion biografico di musico local. Director di DCA sr. Siegfried Dumfries y Sr. Checho Kelly a haci entrega di tres copia di e producto final na sra. Lilian Semeleer, hefe suplente di Biblioteca Nacional Aruba.
DCA a ehecuta e proyecto aki pa salvaguardia informacion valioso cu cada un musico por tin cu por sirbi pa Aruba su historia musical. A base di e tecnica di entrevista (historia oral) a acumula informacion importante y a investiga documentonan existente y a documenta esaki pa DCA su Seccion di Investigacion y Documentacion. E informacion aki ta haya un bon luga den e archivo na Departamento di Cultura, pa asina duna acceso na comunidad pa haya sa mas di historia musical y tambe informacion biografico di musico. A haci e proyecto aki cu studiante den mente como grupo meta special.
Bblioteca Nacional Aruba tambe ta haci e informacion accesibel pa medio di su archivo digital.
Scroll To Top