Buki di Festival di Buki pa Mucha na dos idioma – awo disponibel online!
25/03/2020
Biblioteca Nacional Aruba hunto cu Levendig Uitgever ta pone diferente buki pa mucha disponibel riba su plataforma digital. Ta trata e publicacionnan cu Biblioteca Nacional Aruba a produci pa stimula lesamento den cuadro di su proyecto anual, Festival di Buki pa Mucha.
Lesadornan di tur edad ta keda invita a lesa e bukinan aki online via e link: http://bna.aw/digital/?q=KBF. Titulonan cu por lesa ta:
- Charlotte Doornhein, De Roep van de Shoco/E Grito di e Shoco (2014)
- Curt Fortin, De Reu… Reu… Reuzenslang/Co… Co… Colebra Grandi (2015)
- Fred Diks, Superoma in Coma/Super Wela den Coma (2016)
- Sjoerd Kuyper, Het Spannendste Boek van de Wereld/E Buki Mas Excitante di Mundo (2017)
- Overal Vrienden/Amigonan tur Caminda (2018; 15 storia y poesia)
- Richard Dabian, De Veelkleurige Vuurtoren/E Faro di Multicolo (2019)
Biblioteca a stimula muchanan pa lesa tur dia mayornan pa lesa pa nan yiu.