Buki pa muchanan di scol

07/11/2019

Denise de Jongh-Rekwest cu hopi cariño ta presenta su buki nobo ‘Bin, bin, sigui mi submarin’. Tur scol basico di Aruba ta ricibi e buki aki regalo. Denise ta pasa diferente scol e siman aki pa conta storia y combersa cu e muchanan. Cu ‘Bin, bin, sigui mi submarin e’ autor ke yuda conscientisa mucha cu mester cuida nos medio ambiente. E cuenta ta motiva mucha pa evita uzo di plastic, haci uzo di reciclahe y tene nos islanan limpi. E mucha ta lesa pa e diberti y na mes momento e ta siña cu tene su ambiente limpi ta un actitud positivo y duradero.

Denise a nace na Corsou anto ta biba na Boneiro. Denise ta experto riba tereno di turismo y etiketa. Denise ta skirbi y publica buki pa su mes anto tambe pa diferente otro outor di Aruba, Boneiro, Corsou y Hulanda via su propio empresa di publicacion Request Publishing.

Scroll To Top

Newsletter