Buscando espacio?
25/06/2019
Biblioteca ta ofrece diferente sala caminda por pone exposicion of duna presentacion of organisa actividad. Cu mucho gusto nos ta facilita exposicion di arte, obra di man, coleccionnan special of informacion di temanan interesante. Asina ta trata di ofrece un publico grandi exposicionnan atractivo, interesante, di temanan actual y cada bes algo nobo. Tur espacio tin airco. Tambe tin un cura espacioso cu un stage pa teatro.
Biblioteca ta ofrece bo e oportunidad pa expone bo obranan na nos localidad na G. Madurostraat, Oranjestad. E tamaño di nos espacio pa exposicion ta 19 m X 9,5 m. Tin diferente paneel. E porta di entrada padilanti ta full glas (6,5 mt), tin rails pa colga obheto y cuadra y tin spotlights. Semper ta bon pa pasa wak e espacio prome cu dicidi. (1 muraya ta rondo y tin 5 bentana) Si bo ta desea di organisa un exposicion cerca nos, anto por reserva e sala. En conexion cu e planning y hopi peticion, por fabor reserva na tempo.
Por informa pa uso di beamer y Smart TV. Pa huur sala por tuma contacto cu nos secretaria sra. Lenchi Lopez, [email protected] of pa mas informacion.