Dia di Biblioteca | Dialuna 20 di januari 2020

20/01/2020

Dialuna, dia 20 di januari, ta ‘Dia di Biblioteca’ y esaki nos ta celebra conhuntamente cu nos usuarionan. Nos biblioteca na George Madurostraat y departamento Arubiana/Caribiana  ta habri di 8:00 am-7:00 pm y  biblioteca sucursal na  San Nicolas na Peter Stuyvesantstraat  ta habri di 8:00 am-5:00 pm.

Nos lo pone accento riba trabou di Biblioteca y publico en general ta invita pa bin cera conoci mas di cerca cu e servicionan cu Biblioteca ta ofrece. Entre otro por bishita departamento di Catalogo, departamento di Media, Binderij, Servicio Mediateca Escolar, departamento di Arubiana, filiaal San Nicolas y tambe  lo tin un mercado di buki chikito.

Ban aprecia y haya sa mas di loke Biblioteca tin di ofrece ya pa decadanan largo. Aña pasa trabou di Biblioteca a cumpli shete decada.

Aña 2020 a keda decreta como aña di Innovacion y Enseñansa. Un di e proyectonan di Biblioteca cu lo keda concretisa den e decada nobo ta implementacion di nos sistema automatisa nobo unda publico lo tin acceso na e-books y lo profundisa y sigui traha riba digitalisacion.

Un dia festivo cu nos kier comparti cu pueblo di Aruba.

 

Scroll To Top

Newsletter