Higiena publico

28/02/2020

Nos ta sigui e noticianan tocante salubridad publico en general y muy specifico e dearoyonan di e casonan di COVID-19 cu ta sigui crece.

Seccion di Malesanan Infeccioso y seccion di Epidemiologie y investigacion ta vigilando di cerca tur desaroyo rond di COVID-19 segun nan anuncio riba FB fecha dia 16 di februari ultmo. “Mundialmente e virus a afecta mas di 45.000 mil hende y a causa morto di alrededor di 1115 persona”. Segun e anuncio: “Virus contagioso por sobrevivi ariba un persona su cuero, den medio ambiente, aire y tambe riba superficienan cu ta wordo comparti”

Pa tal motibo na Biblioteca Nacional Aruba a instrui Housekeeping staff pa tuma extra medida di precaucion den e bañonan publico pa nan keda higienico. Tambe nos ta percura pa tin habon e papel. Ta pidi tanto personal como bishitante pa percura pa laba man frecuentemente. Tambe tin hand sanitizer. Riba e imahen mas tips di Red Cross Aruba. Por bishita website di Gobierno di Aruba http://www.gobierno.aw/

Scroll To Top

Newsletter