Ilustrador Géwout Esselink na Aruba

05/09/2019

Géwout Esselink ta e lustrado di e buki  ‘E Faro di multicolo’, cu ta e regalo di siman di Festival di Buki pa Mucha 2019  skirbi pa Richard Dabian.

Géwout Esselink ta bishita Aruba pa un otro edicion di biblioteca su Festival di Buki pa Mucha. Géwout (1957) ta un ilustrado conoci na Hulanda cu a ilustra hopi buki di mucha den su carera.

Otro buki cu Géwout a ilustra ta e buki di Jeroen Hoogerwerf titula ‘De vliegcopter vol liefde’. Y Jeroen Hoogerwerf tambe ta bin Aruba pa bishita tur mucha cu tin gana di scucha storia. Storia di vehiculo cu ta hiba bo un otro mundo manera un raket, hala traha di plata, submarine. ..

Gewout Esselink a studia arte na Kunstacademie y el a gradua na 1985. E ta biba na Steenwijk na Hulanda. E pinturanan di e buki di festival a wordo crea cu aquarel, colornan ta suave como pastel cu paisahe di Aruba manera esun di e faro, California Lighthouse.

Manera tur aña Biblioteca Nacional Aruba ta presenta un publicacion special pa e festival y tur scol participante lo ricibi esaki y por obtene e buki tambe gratis na librerianan participante cu compra di un buki.

Scroll To Top

Newsletter