Lectura ‘The end of art’

01/08/2019

Ayeranochi Ana Maria Hernandez di Fundacion Plataforma Aruba, a duna un lectura na biblioteca tocante Arte Contemporaneo. E sala tabata bon yen cu amantenan di arte y tambe artista. Ana Maria a duna un bista di unda Arte Contemporaneo a origina y con e ta diferente for di arte Moderno y otro periodonan den historia di arte.

Segun historiador Ana Maria Hernandez artistanan contemporaneo ta haci uso di diferente forma di expresion, hopi biaha considera no tradicional. Leu for di un manera di traha structura, arte visual contemporaneo ta hasi uso no solamente di pintura of escultura si no tambe e curpa humano, espacio fisico y desaroyonan tecnologico pa menciona algun ehempel. Den e lectura ‘The End Of Art’, historiador di arte Ana Maria Hernandez a mustra e storia di con arte visual a evoluciona y yega na unda e ta awo. E tabata un lectura cu basta informacion di un forma conciso. Esaki tabata e prome evento publico pa trece mas informacion di arte contemporaneo.

Fundacion Plataforma Aruba a pone un coleccion di buki disponibel pa e miembronan en busca di mas informacion. Proximo eventonan lo ta na september y october. Reaccionnan den sala tabata positivo.

Scroll To Top

Newsletter