Mi buki di Aruba

28/02/2020

Directora Astrid Britten a keda masha contento cu e buki ‘Mi buki di Aruba’. Biblioteca a haya 3 ehemplar di e buki pa su coleccion for di sr. Steffen Maas. Te cu diabierna dia 6 di maart, ilustrador y diseñador grafico, Steffen Maas, ta presenta su proyecto ArubaABC den sala di exposicion na Biblioteca Nacional Aruba. E exposicion ta habri durante orario regular di biblioteca. Publico ta bon bini na biblioteca.

Proyecto ArubABC ta un proyecto educativo cu conoce diferente producto, un di nan ta un buki pa muchanan di scol, titula ‘Mi buki di Aruba’. Un buki pa muchanan entre 4 cu 7 aña cu ta cuminsa siña lesa. Un buki cu imahennan hopi colorido, acompaña cu palabranan na Papiamento. Otro productonan den exposicion ta simbolo di Aruba reconocibel pa tur, weganan, carchi y art prints. Meta tras di e proyecto ta stimula lesamento, conocemento di cultura y concientisacion cultural bou mucha y hoben. E exposicion ta duna un bista di e desaroyo di e proyecto y ta presenta e ‘Mi buki di Aruba’. Ta invita publico pa duna feedback riba e material educativo pa asina Steffen Maas por sigui desaroya esaki. Pa por haya feedback di profesional den enseñansa tin un presentacion special dialuna awor, atardi 4or.

Scroll To Top

Newsletter