No pictures please

03/02/2020

Invitacion personal pa e apertura di ‘NO PICTURTES PLS’. Diahuebs 6 di Februari pa 8pm. Den salanan di expocion di Ateliers ’89 Academia di Bellas Artes Aruba na Dominicanessenstraat 34. Durante un luna e participantenan den e prome simannan a siña diferente tecnica y na final a haya e experimento di pinta di paden pa pafor, bo mes un potret y den diferente forma como punto di salida pa e obranan cu lo wordo expone. E challenge aki pa hopi ta esun di mas moeilijk y nan ta pasando temponan dificil pa bin termina e obranan pa e exposicion binidero. Dibuha potret no ta nada facil y cu e tematica aki menos. Esaki ta haci e workshop aki di Dibuho uno hopi interesante unda a bin ta participa 25 persona di edad y jong. Bou guia di e maestra artista Hulandes Marieke Zwart.

Marieke mes lo tin un exposicion di su obranan cu e la bin ta realisando durante di su residencia na Ateliers ’89 cu e titulo ‘Storianan Importa’.
Diahuebs awor por gosa di un otro bunita exposicion. Entrada ta gratis y lo tin bar y cushina. Cu acompañamento musical pa DJ Adriano Nannof. Tur esaki ta haci posibel pa Mondriaan Fonds, Unoca y Garage Centraal y tur e otro sponsornan cu semper ta coopera cu Ateliers ‘89. Bo presencia ta altamente aprecia!

Scroll To Top

Newsletter